Sundara Kanda
Sarga 51
46 Shlokas
Sarga 51
Sarga 51 from Sundara Kanda of the Valmiki Ramayana.
तं समीक्ष्य महासत्त्वं सत्त्ववान्हरिसत्तमः। वाक्यमर्थवदव्यग्रस्तमुवाच दशाननम्।।5.51.1।।
Original text view. Choose a source above to add translations.
अहं सुग्रीवसंदेशादिह प्राप्तस्तवालयम्। राक्षसेन्द्र हरीशस्त्वां भ्राता कुशलमब्रवीत्।।5.51.2।।
Original text view. Choose a source above to add translations.
भ्रातुश्शृणु समादेशं सुग्रीवस्य महात्मनः। धर्मार्थोपहितं वाक्यमिह चामुत्र च क्षमम्।।5.51.3।।
Original text view. Choose a source above to add translations.
राजा दशरथो नाम रथकुञ्जरवाजिमान्। पितेव बन्धुर्लोकस्य सुरेश्वरसमद्युतिः।।5.51.4।।
Original text view. Choose a source above to add translations.
ज्येष्ठस्तस्य महाबाहुः पुत्रः प्रियकरः प्रभुः। पितुर्निदेशान्निष्क्रान्तः प्रविष्टो दण्डकावनम्।।5.51.5।। लक्ष्मणेन सह भ्रात्रा सीतया चापि भार्यया। रामो नाम महातेजा धर्म्यं पन्थानमास्थितः।।5.51.6।।
Original text view. Choose a source above to add translations.
ज्येष्ठस्तस्य महाबाहुः पुत्रः प्रियकरः प्रभुः। पितुर्निदेशान्निष्क्रान्तः प्रविष्टो दण्डकावनम्।।5.51.5।। लक्ष्मणेन सह भ्रात्रा सीतया चापि भार्यया। रामो नाम महातेजा धर्म्यं पन्थानमास्थितः।।5.51.6।।
Original text view. Choose a source above to add translations.
तस्य भार्या वने नष्टा सीता पतिमनुव्रता। वैदेहस्य सुता राज्ञो जनकस्य महात्मनः।।5.51.7।।
Original text view. Choose a source above to add translations.
स मार्गमाणस्तां देवीं राजपुत्रः सहानुजः। ऋश्यमूकमनुप्राप्त: सुग्रीवेण समागतः।।5.51.8।।
Original text view. Choose a source above to add translations.
तस्य तेन प्रतिज्ञातं सीतायाः परिमार्गणम्। सुग्रीवस्यापि रामेण हरिराज्यं निवेदितम्।।5.51.9।।
Original text view. Choose a source above to add translations.
ततस्तेन मृधे हत्वा राजपुत्रेण वालिनम्। सुग्रीवः स्थापितो राज्ये हर्यृक्षाणां गणेश्वरः।।5.51.10।।
Original text view. Choose a source above to add translations.
त्वया विज्ञातपूर्वश्च वाली वानरपुङ्गवः। रामेण निहतस्सङ्ख्ये शरेणैकेन वानरः।।5.51.11।।
Original text view. Choose a source above to add translations.
स सीतामार्गणे व्यग्रस्सुग्रीवः सत्यसङ्गरः। हरीन् सम्प्रेषयामास दिशस्सर्वा हरीश्वरः।।5.51.12।।
Original text view. Choose a source above to add translations.
तां हरीणां सहस्राणि शतानि नियुतानि च। दिक्षु सर्वासु मार्गन्ते ह्यधश्चोपरि चाम्बरे।।5.51.13।।
Original text view. Choose a source above to add translations.
वैनतेयसमाः केचित्केचित्तत्रानिलोपमाः। असङ्गगतयशशीघ्रा हरिवीरा महाबलाः।।5.51.14।।
Original text view. Choose a source above to add translations.
अहं तु हनुमान्नाम मारुतस्यौरसस्सुतः। सीतायास्तु कृते तूर्णं शतयोजनमायतम्।।5.51.15।। समुद्रं लङ्घयित्वैव तां दिदृक्षुरिहागतः।
Original text view. Choose a source above to add translations.
भ्रमता च मया दृष्टा गृहे ते जनकात्मजा।।5.51.16।। तद्भवान् दृष्टधर्मार्थस्तपःकृतपरिग्रहः। परदारान् महाप्राज्ञ नोपरोद्धुं त्वमर्हसि।।5.51.17।।
Original text view. Choose a source above to add translations.
भ्रमता च मया दृष्टा गृहे ते जनकात्मजा।।5.51.16।। तद्भवान् दृष्टधर्मार्थस्तपःकृतपरिग्रहः। परदारान् महाप्राज्ञ नोपरोद्धुं त्वमर्हसि।।5.51.17।।
Original text view. Choose a source above to add translations.
न हि धर्मविरुद्धेषु बह्वपायेषु कर्मसु। मूलघातिषु सज्जन्ते बुद्धिमन्तो भवद्विधाः।।5.51.18।।
Original text view. Choose a source above to add translations.
कश्च लक्ष्मणमुक्तानां रामकोपानुवर्तिनाम्। शराणामग्रतः स्थातुं शक्तो देवासुरेष्वपि।।5.51.19।।
Original text view. Choose a source above to add translations.
न चापि त्रिषु लोकेषु राजन्विद्येत कश्चन। राघवस्य व्यलीकं यः कृत्वा सुखमवाप्नुयात्।।5.51.20।।
Original text view. Choose a source above to add translations.
तत् त्रिकालहितं वाक्यं धर्म्यमर्थानुबन्धि च। मन्यस्व नरदेवाय जानकी प्रतिदीयताम्।।5.51.21।।
Original text view. Choose a source above to add translations.
दृष्टा हीयं मया देवी लब्धं यदिह दुर्लभम्। उत्तरं कर्म यच्छेषं निमित्तं तत्र राघवः।।5.51.22।।
Original text view. Choose a source above to add translations.
लक्षितेयं मया सीता तथा शोकपरायणा। गृह्य यां नाभिजानासि पञ्चास्यामिव पन्नगीम्।।5.51.23।।
Original text view. Choose a source above to add translations.
नेयं जरयितुं शक्या सासुरैरमरैरपि। विषसंसृष्टमत्यर्थं भुक्तमन्नमिवौजसा ।।5.51.24।।
Original text view. Choose a source above to add translations.
तपस्सन्तापलब्धस्ते योऽयं धर्मपरिग्रहः। न स नाशयितुं न्याय्य आत्मप्राणपरिग्रहः।।5.51.25।।
Original text view. Choose a source above to add translations.
अवध्यतां तपोभिर्यां भवान् समनुपश्यति। आत्मनः सासुरैर्देवैर्हेतुस्तत्राप्ययं महान्।।5.51.26।।
Original text view. Choose a source above to add translations.
सुग्रीवो न हि देवोऽयं नासुरो न च राक्षसः। न दानवो न गन्धर्वो न यक्षो न च पन्नगः।।5.51.27।। तस्मात्प्राणपरित्राणं कथं राजन्करिष्यसि।
Original text view. Choose a source above to add translations.
न तु धर्मोपसंहारमधर्मफलसंहितम्।।5.51.28।। तदेव फलमन्वेति धर्मश्चाधर्मनाशन:।
Original text view. Choose a source above to add translations.
प्राप्तं धर्मफलं तावद्भवता नात्र संशयः। फलमस्याप्यधर्मस्य क्षिप्रमेव प्रपत्स्यसे।।5.51.29।।
Original text view. Choose a source above to add translations.
जनस्थानवधं बुद्ध्वा बुद्ध्वा वालिवधं तथा।।5.51.30।। रामसुग्रीवसख्यं च बुध्यस्व हितमात्मनः।
Original text view. Choose a source above to add translations.
कामं खल्वहमप्येकस्सवाजिरथकुञ्जराम्।।5.51.31।। लङ्कां नाशयितुं शक्तस्तस्यैष तु न निश्चयः।
Original text view. Choose a source above to add translations.
रामेण हि प्रतिज्ञातं हर्यृक्षगणसन्निधौ।।5.51.32।। उत्सादनममित्राणां सीता यैस्तु प्रधर्षिता।
Original text view. Choose a source above to add translations.
अपकुर्वन् हि रामस्य साक्षादपि पुरन्दरः।।5.51.33।। न सुखं प्राप्नुयादन्यः किं पुनस्त्वद्विधो जनः।
Original text view. Choose a source above to add translations.
यां सीतेत्यभिजानासि येयं तिष्ठति ते वशे।।5.51.34।। कालरात्रीति तां विद्धि सर्वलङ्काविनाशिनीम्।
Original text view. Choose a source above to add translations.
तदलं कालपाशेन सीताविग्रहरूपिणा।।5.51.35।। स्वयं स्कन्धावसक्तेन क्षेममात्मनि चिन्त्यताम्।
Original text view. Choose a source above to add translations.
सीतायास्तेजसा दग्धां रामकोपप्रपीडिताम्।।5.51.36।। दह्यमानामिमां पश्य पुरीं साट्टप्रतोलिकाम्।
Original text view. Choose a source above to add translations.
स्वानि मित्राणि मन्त्रींश्च ज्ञातीन् भ्रात्रून् सुतान् हितान्।।5.51.37।। भोगान्दारांश्च लङ्कां च मा विनाशमुपानय।
Original text view. Choose a source above to add translations.
सत्यं राक्षसराजेन्द्र शृणुष्व वचनं मम।।5.51.38।। रामदासस्य दूतस्य वानरस्य विशेषतः।
Original text view. Choose a source above to add translations.
सर्वान् लोकान् सुसंहृत्य सभूतान् सचराचरान्।।5.51.39।। पुनरेव तथा स्रष्टुं शक्तो रामो महायशाः।
Original text view. Choose a source above to add translations.
देवासुरनरेन्द्रेषु यक्षरक्षोगणेषु च।।5.51.40।। विद्याधरेषु सर्वेषु गन्धर्वेषूरगेषु च। सिद्धेषु किन्नरेन्द्रेषु पतत्रिषु च सर्वतः।।5.51.41।। सर्वभूतेषु सर्वत्र सर्वकालेषु नास्ति सः। यो रामं प्रतियुध्येत विष्णुतुल्यपराक्रमम्।।5.51.42।।
Original text view. Choose a source above to add translations.
देवासुरनरेन्द्रेषु यक्षरक्षोगणेषु च।।5.51.40।। विद्याधरेषु सर्वेषु गन्धर्वेषूरगेषु च। सिद्धेषु किन्नरेन्द्रेषु पतत्रिषु च सर्वतः।।5.51.41।। सर्वभूतेषु सर्वत्र सर्वकालेषु नास्ति सः। यो रामं प्रतियुध्येत विष्णुतुल्यपराक्रमम्।।5.51.42।।
Original text view. Choose a source above to add translations.
देवासुरनरेन्द्रेषु यक्षरक्षोगणेषु च।।5.51.40।। विद्याधरेषु सर्वेषु गन्धर्वेषूरगेषु च। सिद्धेषु किन्नरेन्द्रेषु पतत्रिषु च सर्वतः।।5.51.41।। सर्वभूतेषु सर्वत्र सर्वकालेषु नास्ति सः। यो रामं प्रतियुध्येत विष्णुतुल्यपराक्रमम्।।5.51.42।।
Original text view. Choose a source above to add translations.
सर्वलोकेश्वरस्यैवं कृत्वा विप्रियमुत्तमम्। रामस्य राजसिंहस्य दुर्लभं तव जीवितम्।।5.51.43।।
Original text view. Choose a source above to add translations.
देवाश्च दैत्याश्च निशाचरेन्द्र गन्धर्वविद्याधरनागयक्षाः। रामस्य लोकत्रयनायकस्य स्थातुं न शक्तास्समरेषु सर्वे।।5.51.44।।
Original text view. Choose a source above to add translations.
ब्रह्मा स्वयम्भूश्चतुराननो वा रुद्रस्त्रिणेत्रस्त्रिपुरान्तको वा। इन्द्रो महेन्द्रस्सुरनायको वा त्रातुं न शक्ता युधि रामवध्यम्।।5.51.45।।
Original text view. Choose a source above to add translations.
स सौष्ठवोपेतमदीनवादिनः कपेर्निशम्याप्रतिमोऽप्रियं वचः। दशाननः कोपविवृत्तलोचनः समादिशत्तस्य वधं महाकपेः।।5.51.46।।
Original text view. Choose a source above to add translations.