Sarga 6 from Uttara Kanda of the Valmiki Ramayana.
tairvadhyamānā devāśca ṛṣayaśca tapodhanāḥ | bhayārtāḥ śaraṇaṃ jagmurdevadevaṃ maheśvaram || 7.6.1 ||
Original text view. Choose a source above to add translations.
jagatsṛṣṭyantakartāramajamavyaktarūpiṇam | ādhāraṃ sarvalokānāmārādhyaṃ paramaṃ gurum || 7.6.2 ||
Original text view. Choose a source above to add translations.
te sametya tu kāmāriṃ tripurāriṃ trilocanam | ūcuḥ prāñjalayo devā bhayagadgadabhāṣiṇaḥ || 7.6.3 ||
Original text view. Choose a source above to add translations.
sukeśaputrairbhagavanpitāmahavaroddhataiḥ | prajādhyakṣa prajāḥ sarvā bādhyante ripubādhanaiḥ || 7.6.4 ||
Original text view. Choose a source above to add translations.
śaraṇyānyaśaraṇyāni hyāśramāṇi kṛtāni naḥ | svargācca devānpracyāvya svarge krīḍanti devavat || 7.6.5 ||
Original text view. Choose a source above to add translations.
ahaṃ viṣṇurahaṃ rudro brahmāhaṃ devarāḍaham | ahaṃ yamaśca varuṇaścandro 'haṃ ravirapyaham || 7.6.6 ||
Original text view. Choose a source above to add translations.
iti mālī sumālī ca mālyavāṃścaiva rākṣasāḥ | bādhante samaroddharṣā ye ca teṣāṃ puraḥsarāḥ | tanno deva bhayārtānāmabhayaṃ dātumarhasi || 7.6.7 ||
Original text view. Choose a source above to add translations.
aśivaṃ vapurāsthāya jahi vai devakaṇṭakān || 7.6.8 ||
Original text view. Choose a source above to add translations.
dhante samaroddharṣā ye ca teṣāṃ puraḥsarāḥ | ityuktastu suraiḥ sarvaiḥ kapardī nīlalohitaḥ | sukeśaṃ prati sāpekṣaḥ prāha devagaṇānprabhuḥ || 7.6.9 ||
Original text view. Choose a source above to add translations.
ahaṃ tānna haniṣyāmi mayāvadhyā hi te surāḥ | kiṃ tu mantraṃ pradāsyāmi yo vai tānnihaniṣyati || 7.6.10 ||
Original text view. Choose a source above to add translations.
etameva samudyogaṃ puraskṛtya maharṣayaḥ | gacchadhvaṃ śaraṇaṃ viṣṇuṃ haniṣyati sa tānprabhuḥ || 7.6.11 ||
Original text view. Choose a source above to add translations.
tatastu jayaśabdena pratinandya maheśvaram | viṣṇoḥ samīpamājagmurniśācarabhayārditāḥ || 7.6.12 ||
Original text view. Choose a source above to add translations.
śaṅkhacakradharaṃ devaṃ praṇamya bahumānya ca | ūcuḥ sambhrāntavadvākyaṃ sukeśatanayānprati || 7.6.13 ||
Original text view. Choose a source above to add translations.
sukeśatanayairdeva tribhistretāgnisannibhaiḥ | ākramya varadānena sthānānyapahṛtāni naḥ || 7.6.14 ||
Original text view. Choose a source above to add translations.
laṅkā nāma purī durgā trikūṭaśikhare sthitā | tatra sthitāḥ prabādhante sarvānnaḥ kṣaṇadācarāḥ || 7.6.15 ||
Original text view. Choose a source above to add translations.
sa tvamasmaddhitārthāya jahi tānmadhusūdana | śaraṇaṃ tvāṃ vayaṃ prāptā gatirbhava sureśvara || 7.6.16 ||
Original text view. Choose a source above to add translations.
cakrakṛttāsyakamalānnivedaya yamāya vai | bhayeṣvabhayado 'smākaṃ nānyo 'sti bhavatā vinā || 7.6.17 ||
Original text view. Choose a source above to add translations.
rākṣasānsamare duṣṭānsānubandhānmadoddhatān | nudaṃ tvaṃ no bhayaṃ deva nīhāramiva bhāskaraḥ || 7.6.18 ||
Original text view. Choose a source above to add translations.
ityevaṃ daivatairukto devadevo janārdanaḥ | abhayaṃ bhayado 'rīṇāṃ dattvā devānuvāca ha || 7.6.19 ||
Original text view. Choose a source above to add translations.
sukeśaṃ rākṣasaṃ jāne īśānavaradarpitam | tāṃścāsya tanayāñjāne yeṣāṃ jyeṣṭhaḥ sa mālyavān || 7.6.20 ||
Original text view. Choose a source above to add translations.
tānahaṃ samatikrāntamaryādānrākṣasādhamān | nihaniṣyāmi saṅkruddhaḥ surā bhavata vijvarāḥ || 7.6.21 ||
Original text view. Choose a source above to add translations.
ityuktāste surāḥ sarve viṣṇunā prabhaviṣṇunā | yathāvāsaṃ yayurhṛṣṭāḥ praśaṃsanto janārdanam || 7.6.22 ||
Original text view. Choose a source above to add translations.
vibudhānāṃ samudyogaṃ mālyavāṃstu niśācaraḥ | śrutvā tau bhrātarau vīrāvidaṃ vacanamabravīt || 7.6.23 ||
Original text view. Choose a source above to add translations.
amarā ṛṣayaścaiva saṅgamya kila śakaram | asmadvadhaṃ parīpsanta idaṃ vacanamabruvan || 7.6.24 ||
Original text view. Choose a source above to add translations.
sukeśatanayā deva varadānabaloddhatāḥ | bādhante 'smānsamuddṛptā ghorarūpāḥ pade pade || 7.6.25 ||
Original text view. Choose a source above to add translations.
rākṣasairabhibhūtāḥ sma na śaktāḥ sma prajāpate | sveṣu sadmasu saṃsthātuṃ bhayātteṣāṃ durātmanām || 7.6.26 ||
Original text view. Choose a source above to add translations.
tadasmākaṃ hitārthāya jahi tāṃśca trilocana | rākṣasānhuṅkṛtenaiva daha pradahatāṃ vara || 7.6.27 ||
Original text view. Choose a source above to add translations.
ityevaṃ tridaśairukto niśamyāndhakasūdanaḥ | śiraḥ karaṃ ca dhunvāna idaṃ vacanamabravīt || 7.6.28 ||
Original text view. Choose a source above to add translations.
avadhyā mama te devāḥ sukeśatanayā raṇe | mantraṃ tu vaḥ pradāsyāmi yastānvai nihaniṣyati || 7.6.29 ||
Original text view. Choose a source above to add translations.
yo 'sau cakragadāpāṇiḥ pītavāsā janārdanaḥ | harirnārāyaṇaḥ śrīmān śaraṇaṃ taṃ prapadyatha || 7.6.30 ||
Original text view. Choose a source above to add translations.
harādavāpya te mantraṃ kāmārimabhivādya ca | nārāyaṇālayaṃ prāpya tasmai sarvaṃ nyavedayan || 7.6.31 ||
Original text view. Choose a source above to add translations.
tato nārāyaṇenoktā devā indrapurogamāḥ | surārīṃstānhaniṣyāmi surā bhavata vijvarāḥ || 7.6.32 ||
Original text view. Choose a source above to add translations.
devānāṃ bhayabhītānāṃ hariṇā rākṣasarṣabhau | pratijñāto vadho 'smākaṃ cintyatāṃ yadiha kṣamam || 7.6.33 ||
Original text view. Choose a source above to add translations.
hiraṇyakaśipormṛtyuranyeṣāṃ ca suradviṣām | namuciḥ kālanemiśca saṃhrādo vīrasattamaḥ || 7.6.34 ||
Original text view. Choose a source above to add translations.
rādheyo bahumāyī ca lokapālo 'tha dhārmikaḥ | yamalārjunau ca hārdikyaḥ śumbhaścaiva niśumbhakaḥ || 7.6.35 ||
Original text view. Choose a source above to add translations.
asurā dānavāścaiva sattvavanto mahābalāḥ | sarve samaramāsādya na śrūyante 'parājitāḥ || 7.6.36 ||
Original text view. Choose a source above to add translations.
sarvaiḥ kratuśatairiṣṭaṃ sarve māyāvidastathā | sarve sarvāstrakuśalāḥ sarve śatrubhayaṅkarāḥ || 7.6.37 ||
Original text view. Choose a source above to add translations.
nārāyaṇena nihatāḥ śataśo 'tha sahasraśaḥ | etajjñātvā tu sarveṣāṃ kṣamaṃ kartumihārhatha || 7.6.38 ||
Original text view. Choose a source above to add translations.
tataḥ sumālī mālī ca śrutvā mālyavato vacaḥ | ūcaturbhrātaraṃ jyeṣṭhaṃ bhagāṃśāviva vāsavam || 7.6.39 ||
Original text view. Choose a source above to add translations.
svadhītaṃ dattamiṣṭaṃ cāpyaiśvaryaṃ paripālitam | āyurnirāmayaṃ prāptaṃ sudharmaḥ prāpitaḥ pathi || 7.6.40 ||
Original text view. Choose a source above to add translations.
devasāgaramakṣobhyaṃ śastraiḥ samavagāhya ca | jitā dviṣo hyapratimāstanno mṛtyukṛtaṃ bhayam || 7.6.41 ||
Original text view. Choose a source above to add translations.
nārāyaṇaśca rudraśca śakraścāpi yamastathā | asmākaṃ pramukhe sthātuṃ sarve bibhyati sarvadā || 7.6.42 ||
Original text view. Choose a source above to add translations.
viṣṇordevasya nāstyeva kāraṇaṃ rākṣaseśvara | devānāmeva doṣeṇa viṣṇoḥ pracalitaṃ manaḥ || 7.6.43 ||
Original text view. Choose a source above to add translations.
tasmādadya samudyuktāḥ sarvasainyasamāvṛtāḥ | devāneva jighāṃsāma ebhyo doṣaḥ samutthitaḥ || 7.6.44 ||
Original text view. Choose a source above to add translations.
evaṃ sammantrya balinaḥ sarve sainyasamāvṛtāḥ | udyogaṃ ghoṣayitvā tu sarve nairṛtapuṅgavāḥ || yuddhāya niryayuḥ kruddhā jambhavṛtrabalā iva || 7.6.45 ||
Original text view. Choose a source above to add translations.
iti te rāma sammantrya sarvodyogena rākṣasāḥ | yuddhāya niryayuḥ sarve mahākāyā mahābalāḥ || 7.6.46 ||
Original text view. Choose a source above to add translations.
syandanairvāraṇaiścaiva hayaiśca girisannibhaiḥ | kharairgobhī rathoṣṭraiśca śiṃśumārairbhujaṅgamaiḥ || 7.6.47 ||
Original text view. Choose a source above to add translations.
makaraiḥ kacchapairmīnairvihaṅgairgaruḍopamaiḥ | siṃhairvyāghrairvarāhaiśca sṛmaraiścamarairapi || 7.6.48 ||
Original text view. Choose a source above to add translations.
tyaktvā laṅkāṃ gatāḥ sarve rākṣasā balagarvitāḥ | prayātā devalokāya yoddhuṃ daivataśatravaḥ || 7.6.49 ||
Original text view. Choose a source above to add translations.
laṅkāviparyayaṃ dṛṣṭvā yāni laṅkālayānyatha | bhūtāni bhayadarśīni vimanaskāni sarvaśaḥ || 7.6.50 ||
Original text view. Choose a source above to add translations.
rathottamairuhyamānāḥ śataśo 'tha sahasraśaḥ || 7.6.51 ||
Original text view. Choose a source above to add translations.
prayātā rākṣasāstūrṇaṃ devalokaṃ prayatnataḥ | rakṣasāmeva mārgeṇa daivatānyapacakramuḥ || 7.6.52 ||
Original text view. Choose a source above to add translations.
bhaumāścaivāntarikṣāśca kālājñaptā bhayāvahāḥ | utpātā rākṣasendrāṇāmabhāvāya samutthitāḥ || 7.6.53 ||
Original text view. Choose a source above to add translations.
asthīni meghā vavṛṣuruṣṇaṃ śoṇitameva ca | velāṃ samudrāścotkrāntāśceluścāpyatha bhūdharāḥ || 7.6.54 ||
Original text view. Choose a source above to add translations.
aṭṭahāsānvimuñcanto ghananādasamasvanāḥ | vāśyantyaśca śivāstatra dāruṇaṃ ghoradarśanāḥ || 7.6.55 ||
Original text view. Choose a source above to add translations.
sampatantyatha bhūtāni dṛśyante ca yathākramam | gṛdhracakraṃ mahaccātra jvalanodgāribhirmukhaiḥ || 7.6.56 ||
Original text view. Choose a source above to add translations.
rākṣasānāmupari khe bhramate 'lātacakravat | kapotā raktapādāśca śārikā vidrutā yayuḥ || kākā vāśyanti tatraiva biḍālā vai dvipādayaḥ || 7.6.57 ||
Original text view. Choose a source above to add translations.
utpātāṃstānanādṛtya rākṣasā balagarvitāḥ | yāntyeva na nivarttante mṛtyupāśāvapāśitāḥ || 7.6.58 ||
Original text view. Choose a source above to add translations.
mālyavāṃśca sumālī ca mālī ca sumahābalāḥ | āsanpuraḥsarāsteṣāṃ kratūnāmiva pāvakāḥ || 7.6.59 ||
Original text view. Choose a source above to add translations.
mālyavantaṃ ca te sarve mālyavantamivācalam | niśācarā hyāśrayanti dhātāramiva devatāḥ || 7.6.60 ||
Original text view. Choose a source above to add translations.
tadbalaṃ rākṣasendrāṇāṃ mahābhraghananāditam | jayepsayā devalokaṃ yayau mālivaśe sthitam || 7.6.61 ||
Original text view. Choose a source above to add translations.
rākṣasānāṃ samudyogaṃ taṃ tu nārāyaṇaḥ prabhuḥ | devadūtādupaśrutya cakre yuddhe tadā manaḥ || 7.6.62 ||
Original text view. Choose a source above to add translations.
sa sajjāyudhatūṇīro vainateyopari sthitaḥ | āsajjya kavacaṃ divyaṃ sahasrārkasamadyuti || 7.6.63 ||
Original text view. Choose a source above to add translations.
ābadhya śarasampūrṇe iṣudhī vimale tadā | śroṇisūtraṃ ca khaḍgaṃ ca vimalaṃ kamalekṣaṇaḥ || śaṅkhacakragadāśārṅgakhaḍgākhyapravarāyudhān || 7.6.64 ||
Original text view. Choose a source above to add translations.
suparṇaṃ girisaṅkāśaṃ vainateyamathāsthitaḥ | rākṣasānāmabhāvāya yayau tūrṇataraṃ prabhuḥ || 7.6.65 ||
Original text view. Choose a source above to add translations.
suparṇapṛṣṭhe sa babhau śyāmaḥ pītāmbaro hariḥ | kāñcanasya gireḥ śṛṅge sataḍittoyado yathā || 7.6.66 ||
Original text view. Choose a source above to add translations.
sa siddhadevarṣimahoragaiśca gandharvayakṣairupagīyamānaḥ | samāsasādāsurasainyaśatrūṃścakrāsiśārṅgāyudhaśaṅkhapāṇiḥ || 7.6.67 ||
Original text view. Choose a source above to add translations.
suparṇapakṣānilanunnapakṣaṃ bhramatpatākaṃ pravikīrṇaśastram | cacāla tadrākṣasarājasainyaṃ calopalaṃ nīla ivācalendraḥ || 7.6.68 ||
Original text view. Choose a source above to add translations.
tataḥ śaraiḥ śoṇitamāṃsarūṣitairyugāntavaiśvānaratulyavigrahaiḥ | niśācarāḥ samparivārya mādhavaṃ varāyudhairnirbibhiduḥ sahasraśaḥ || 7.6.69 ||
Original text view. Choose a source above to add translations.
ityārṣe śrīmadrāmāyaṇe vālmīkīye ādikāvye śrīmaduttarakāṇḍe ṣaṣṭhaḥ sargaḥ || 6 ||
Original text view. Choose a source above to add translations.