Sarga 26 from Uttara Kanda of the Valmiki Ramayana.
sa tu tatra daśagrīvaḥ saha sainyena vīryavān | astaṃ prāpte dinakare nivāsaṃ samarocayat || 7.26.1 ||
Original text view. Choose a source above to add translations.
udite vimale candre tulyaparvatavarcasi | prasuptaṃ sumahatsainyaṃ nānāpraharaṇāyudham || 7.26.2 ||
Original text view. Choose a source above to add translations.
rāvaṇastu mahāvīryo niṣaṇṇaḥ śailamūrdhani | sa dadarśa guṇāṃstatra candrapādapaśobhitān || 7.26.3 ||
Original text view. Choose a source above to add translations.
karṇikāravanairdīptaiḥ kadambagahanaistathā | padminībhiśca phullābhirmandākinyā jalairapi || 7.26.4 ||
Original text view. Choose a source above to add translations.
campakāśokapunnāgamandāratarubhistathā | cūtapāṭalalodhraiśca priyaṅgvarjunaketakaiḥ | tagarairnārikailaiśca priyālapanasaistathā || 7.26.5 ||
Original text view. Choose a source above to add translations.
āragvadhaistamālaiśca priyālavakulairapi | etairanyaiśca tarubhirudbhāsitavanāntare | kinnarā madanenārtā raktā madhurakaṇṭhinaḥ || 7.26.6 ||
Original text view. Choose a source above to add translations.
samaṃ samprajaguryatra manastuṣṭivivardhanam || 7.26.7 ||
Original text view. Choose a source above to add translations.
bhirudbhāsitavanāntare | vidyādharā madakṣībā madaraktāntalocanāḥ | yoṣidbhiḥ saha saṅkrāntāścikrīḍurjahṛṣuśca vai || 7.26.8 ||
Original text view. Choose a source above to add translations.
ghaṇṭānāmiva sannādaḥ śuśruve madhurasvaraḥ | apsarogaṇasaṅghānāṃ gāyatāṃ dhanadālaye || 7.26.9 ||
Original text view. Choose a source above to add translations.
puṣpavarṣāṇi muñcanto nagāḥ pavanatāḍitāḥ | śailaṃ taṃ vāsayantīva madhumādhavagandhinaḥ || 7.26.10 ||
Original text view. Choose a source above to add translations.
madhupuṣparajaḥpṛktaṃ gandhamādāya puṣkalam | pravavau vardhayankāmaṃ rāvaṇasya sukho 'nilaḥ || 7.26.11 ||
Original text view. Choose a source above to add translations.
geyātpuṣpasamṛddhyā ca śaityādvāyorgirerguṇāt | pravṛttāyāṃ rajanyāṃ ca candrasyodayanena ca || 7.26.12 ||
Original text view. Choose a source above to add translations.
rāvaṇastu mahāvīryaḥ kāmasya vaśamāgataḥ | viniḥśvasya viniḥśvasya śaśinaṃ samavaikṣata || 7.26.13 ||
Original text view. Choose a source above to add translations.
etasminnantare tatra divyābharaṇabhūṣitā | sarvāpsarovarā rambhā divyapuṣpavibhūṣitā || 7.26.14 ||
Original text view. Choose a source above to add translations.
divyacandanaliptāṅgī mandārakṛtamūrdhajā | divyotsavakṛtārambhā pūrṇacandranibhānanā || 7.26.15 ||
Original text view. Choose a source above to add translations.
cakṣurmanoharaṃ pīnaṃ mekhalādāmabhūṣitam | samudvahantī jaghanaṃ ratiprābhṛtamuttamam || 7.26.16 ||
Original text view. Choose a source above to add translations.
kṛtairviśeṣakairārdraiḥ ṣaḍartukusumodbhavaiḥ || 7.26.17 ||
Original text view. Choose a source above to add translations.
babhāvanyatameva śrīkāntidyutimatihriyām | nīlaṃ satoyameghābhaṃ vastraṃ samavakuṇṭhitā || 7.26.18 ||
Original text view. Choose a source above to add translations.
yasyā vaktraṃ śaśinibhaṃ bhruvau cāpanibhe śubhe | ūrū karikarākārau karau pallavakomalau | sainyamadhyena gacchantī rāvaṇenopavīkṣitā || 7.26.19 ||
Original text view. Choose a source above to add translations.
tāṃ samutthāya gacchantīṃ kāmabāṇavaśaṃ gataḥ | kare gṛhītvā lajjantīṃ smayamāno 'bhyabhāṣata || 7.26.20 ||
Original text view. Choose a source above to add translations.
kva gacchasi varārohe kāṃ siddhiṃ bhajase svayam | kasyābhyudayakālo 'yaṃ yastvāṃ samupabhokṣyate || 7.26.21 ||
Original text view. Choose a source above to add translations.
tvadānanarasasyādya padmotpalasugandhinaḥ | sudhāmṛtarasasyeva ko 'dya tṛptiṃ gamiṣyati || 7.26.22 ||
Original text view. Choose a source above to add translations.
svarṇakumbhanibhau pīnau śubhau bhīru nirantarau | kasyorasthalasaṃsparśaṃ dāsyataste kucāvimau || 7.26.23 ||
Original text view. Choose a source above to add translations.
suvarṇacakrapratimaṃ svarṇadāmacitaṃ pṛthu | adhyārohati kaste 'dya jaghanaṃ svargarūpiṇam || 7.26.24 ||
Original text view. Choose a source above to add translations.
madviśiṣṭaḥ pumānko 'dya śakro viṣṇurathāśvinau | māmatītya hi yaṃ ca tvaṃ yāsi bhīru na śobhanam || 7.26.25 ||
Original text view. Choose a source above to add translations.
viśrama tvaṃ pṛthuśroṇi śilātalamidaṃ śubham || 7.26.26 ||
Original text view. Choose a source above to add translations.
trailokye yaḥ prabhuścaiva madanyo naiva vidyate || 7.26.27 ||
Original text view. Choose a source above to add translations.
tadevaṃ prāñjaliḥ prahvo yācate tvāṃ daśānanaḥ | bharturbhartā vidhātā ca trailokyasya bhajasva mām || 7.26.28 ||
Original text view. Choose a source above to add translations.
evamuktā 'bravīdrambhā vepamānā kṛtāñjaliḥ | prasīda nārhase vaktumīdṛśaṃ tvaṃ hi me guruḥ || 7.26.29 ||
Original text view. Choose a source above to add translations.
anyebhyo hi tvayā rakṣyā prāpnuyāṃ dharṣaṇaṃ yadi | taddharmataḥ snuṣā te 'haṃ tattvameva bravīmi te || 7.26.30 ||
Original text view. Choose a source above to add translations.
athābravīddaśagrīvaścaraṇādhomukhīṃ sthitām | romaharṣamanuprāptāṃ dṛṣṭamātreṇa tāṃ tadā || 7.26.31 ||
Original text view. Choose a source above to add translations.
sutasya yadi me bhāryā tatastvaṃ hi snuṣā bhaveḥ | bāḍhamityeva sā rambhā prāha rāvaṇamuttaram || 7.26.32 ||
Original text view. Choose a source above to add translations.
dharmataste sutasyāhaṃ bhāryā rākṣasapuṅgava | putraḥ priyataraḥ prāṇairbhrāturvaiśravaṇasya te | vikhyātastriṣu lokeṣu nalakūbara ityayam || 7.26.33 ||
Original text view. Choose a source above to add translations.
dharmato yo bhavedvipraḥ kṣatriyo vīryato bhavet | krodhādyaśca bhavedagniḥ kṣāntyā ca vasudhāsamaḥ || 7.26.34 ||
Original text view. Choose a source above to add translations.
tasyāsmi kṛtasaṅketā lokapālasutasya vai | tamuddiśya tu me sarvaṃ vibhūṣaṇamidaṃ kṛtam || 7.26.35 ||
Original text view. Choose a source above to add translations.
tathā tasya hi nānyasya bhāvo māṃ prati tiṣṭhati || 7.26.36 ||
Original text view. Choose a source above to add translations.
tena satyena māṃ rājanmoktumarhasyarindama || 7.26.37 ||
Original text view. Choose a source above to add translations.
sa hi tiṣṭhati dharmātmā māṃ pratīkṣya samutsukaḥ | tatra vighnaṃ sutasyeha kartuṃ nārhasi muñca mām || 7.26.38 ||
Original text view. Choose a source above to add translations.
sadbhirācaritaṃ mārgaṃ gaccha rākṣasupuṅgava | mānanīyo mama tvaṃ hi pālanīyā tathā 'smi te || 7.26.39 ||
Original text view. Choose a source above to add translations.
evamukto daśagrīvaḥ pratyuvāca vinītavat | snuṣā 'smi yadavocastvamekapatnīṣvayaṃ kramaḥ | devalokasthitiriyaṃ surāṇāṃ śāśvatī matā || 7.26.40 ||
Original text view. Choose a source above to add translations.
patirapsarasāṃ nāsti na caikastrīparigrahaḥ || 7.26.41 ||
Original text view. Choose a source above to add translations.
asmi yadavocastvamekapatnīṣvayaṃ kramaḥ | evamuktvā sa tāṃ rakṣo niveśya ca śilātale | kāmabhogābhisaṃsakto maithunāyopacakrame || 7.26.42 ||
Original text view. Choose a source above to add translations.
sā vimuktā tato rambhā bhraṣṭamālyavibhūṣaṇā | gajendrākrīḍamathitā nadīvākulatāṃ gatā || 7.26.43 ||
Original text view. Choose a source above to add translations.
lulitākulakeśāntā karavepitapallavā | pavanenāvadhūteva latā kusumaśālinī || 7.26.44 ||
Original text view. Choose a source above to add translations.
sā vepamānā lajjantī bhītā karakṛtāñjaliḥ | nalakūbaramāsādya pādayornipapāta ha || 7.26.45 ||
Original text view. Choose a source above to add translations.
tadavasthāṃ ca tāṃ dṛṣṭvā mahātmā nalakūbaraḥ | abravītkimidaṃ bhadre pādayoḥ patitā 'si me || 7.26.46 ||
Original text view. Choose a source above to add translations.
sā vai niḥśvasamānā tu vepamānā kṛtāñjaliḥ | tasmai sarvaṃ yathātattvamākhyātumupacakrame || 7.26.47 ||
Original text view. Choose a source above to add translations.
eṣa deva daśagrīvaḥ prāpto gantuṃ triviṣṭapam | tena sainyasahāyena niśeyaṃ pariṇāmitā || 7.26.48 ||
Original text view. Choose a source above to add translations.
āyantī tena dṛṣṭā 'smi tvatsakāśamarindama | gṛhītā tena pṛṣṭā 'smi kasya tvamiti rakṣasā || 7.26.49 ||
Original text view. Choose a source above to add translations.
mayā tu sarvaṃ yatsatyaṃ tasmai sarvaṃ niveditam | kāmamohābhibhūtātmā nāśrauṣīttadvaco mama || 7.26.50 ||
Original text view. Choose a source above to add translations.
yācyamāno mayā deva snuṣā te 'hamiti prabho | tatsarvaṃ pṛṣṭhataḥ kṛtvā balāttenāsmi dharṣitā || 7.26.51 ||
Original text view. Choose a source above to add translations.
evaṃ tvamaparādhaṃ me kṣantumarhasi suvrata | na hi tulyaṃ balaṃ saumya striyāśca puruṣasya ca || 7.26.52 ||
Original text view. Choose a source above to add translations.
etachutvā tu saṅkruddhastadā vaiśravaṇātmajaḥ | dharṣaṇāṃ tāṃ parāṃ śrutvā dhyānaṃ sampraviveśa ha || 7.26.53 ||
Original text view. Choose a source above to add translations.
tasya tatkarma vijñāya tadā vaiśravaṇātmajaḥ | muhūrtātkrodhatāmrākṣastoyaṃ jagrāha pāṇinā || 7.26.54 ||
Original text view. Choose a source above to add translations.
gṛhītvā salilaṃ sarvamupaspṛśya yathāvidhi | utsasarja yathā śāpaṃ rākṣasendrāya dāruṇam || 7.26.55 ||
Original text view. Choose a source above to add translations.
akāmā tena yasmāttvaṃ balādbhadre pradharṣitā | tasmātsa yuvatīmanyāṃ nākāmāmupayāsyati || 7.26.56 ||
Original text view. Choose a source above to add translations.
yadā hyakāmāṃ kāmārto dharṣayiṣyati yoṣitam | mūrdhā tu saptadhā tasya śakalībhavitā tadā || 7.26.57 ||
Original text view. Choose a source above to add translations.
tasminnudāhṛte śāpe jvalitāgnisamaprabhe | devadundubhayo neduḥ puṣpavṛṣṭiśca khāccyutā | pitāmahamukhāścaiva sarve devāḥ praharṣitāḥ || 7.26.58 ||
Original text view. Choose a source above to add translations.
jñātvā lokagatiṃ sarvāṃ tasya mṛtyuṃ ca rakṣasaḥ | ṛṣayaḥ pitaraścaiva prītimāpuranuttamām || 7.26.59 ||
Original text view. Choose a source above to add translations.
śrutvā tu sa daśagrīvastaṃ śāpaṃ romaharṣaṇam | nārīṣu maithune bhāvaṃ nākāmāsvabhyarocayat || 7.26.60 ||
Original text view. Choose a source above to add translations.
tena nītāḥ striyaḥ prītimāpuḥ sarvāḥ pativratāḥ | nalakūbaranirmuktaṃ śāpaṃ śrutvā manaḥpriyam || 7.26.61 ||
Original text view. Choose a source above to add translations.
ityārṣe śrīmadrāmāyaṇe vālmīkīye ādikāvye śrīmaduttarakāṇḍe ṣaḍvaviṃśaḥ sargaḥ || 26 ||
Original text view. Choose a source above to add translations.