Sarga 81 from Uttara Kanda of the Valmiki Ramayana.
sa muhūrtādupaśrutya devarṣiramitaprabhaḥ | svamāśramaṃ śiṣyavṛtaḥ kṣudhārtaḥ sannyavartata || 7.81.1 ||
Original text view. Choose a source above to add translations.
so 'paśyadarajāṃ dīnāṃ rajasā samabhiplutām | jyotsnāmiva grahagrastāṃ pratyūṣe na virājatīm || 7.81.2 ||
Original text view. Choose a source above to add translations.
tasya roṣaḥ samabhavatkṣudhārtasya viśeṣataḥ | nirdahanniva lokāṃstrīñchiṣyāṃścaitaduvāca ha || 7.81.3 ||
Original text view. Choose a source above to add translations.
paśyadhvaṃ viparītasya daṇḍasyāvijitātmanaḥ | vipattiṃ ghorasaṅkāśāṃ kruddhāmagniśikhāmiva || 7.81.4 ||
Original text view. Choose a source above to add translations.
kṣayo 'sya durmateḥ prāptaḥ sānugasya durātmanaḥ | yaḥ pradīptāṃ hutāśasya śikhāṃ vai spraṣṭumicchati || 7.81.5 ||
Original text view. Choose a source above to add translations.
yasmātsa kṛtavānpāpamīdṛśaṃ ghorasaṃhitam | tasmātprāpsyati durmedhāḥ phalaṃ pāpasya karmaṇaḥ || 7.81.6 ||
Original text view. Choose a source above to add translations.
saptarātreṇa rājāsau sabhṛtyabalavāhanaḥ | pāpakarmasamācāro vadhaṃ prāpsyati durmatiḥ || 7.81.7 ||
Original text view. Choose a source above to add translations.
samantādyojanaśataṃ viṣayaṃ cāsya durmateḥ | dhakṣyate pāṃsuvarṣeṇa mahatā pākaśāsanaḥ || 7.81.8 ||
Original text view. Choose a source above to add translations.
sarvasatvāni yānīha sthāvarāṇi carāṇi ca | mahatā pāṃsuvarṣeṇa vilayaṃ sarvato 'gaman || 7.81.9 ||
Original text view. Choose a source above to add translations.
daṇḍasya viṣayo yāvattāvatsarvasamucchrayam | pāṃsuvarṣamivālakṣyaṃ saptarātraṃ bhaviṣyati || 7.81.10 ||
Original text view. Choose a source above to add translations.
ityuktvā krodhatāmrākṣastadāśramanivāsinam | janaṃ janapadānteṣu sthīyatāmiti cābravīt || 7.81.11 ||
Original text view. Choose a source above to add translations.
śrutvā tūśanaso vākyaṃ so ' 'śramāvasatho janaḥ | niṣkrānto viṣayāttasmātsthānaṃ cakre 'tha bāhyataḥ || 7.81.12 ||
Original text view. Choose a source above to add translations.
sa tathoktvā munijanamarajāmidamabravīt | ihaiva vasa durmedhe āśrame susamāhitā || 7.81.13 ||
Original text view. Choose a source above to add translations.
idaṃ yojanaparyantaṃ saraḥ suruciraprabham | araje vijvarā bhuṅkṣva kālaścātra pratīkṣyatām || 7.81.14 ||
Original text view. Choose a source above to add translations.
tvatsamīpe ca ye sattvā vāsameṣyanti tāṃ niśām | avadhyāḥ pāṃsuvarṣeṇa te bhaviṣyanti nityadā || 7.81.15 ||
Original text view. Choose a source above to add translations.
śrutvā niyogaṃ brahmarṣeḥ sā 'rajā bhārgavī tadā | tatheti pitaraṃ prāha bhārgavaṃ bhṛśaduḥkhitā | ityuktvā bhārgavo vāsamanyatra samakārayat || 7.81.16 ||
Original text view. Choose a source above to add translations.
tacca rājyaṃ narendrasya sabhṛtyabalavāhanam | saptāhādbhasmasādbhūtaṃ yathoktaṃ brahmavādinā || 7.81.17 ||
Original text view. Choose a source above to add translations.
tasyāsau daṇḍaviṣayo vindhyaśaivalayornṛpa | śapto brahmarṣiṇā tena vaidharmye sahite kṛte || 7.81.18 ||
Original text view. Choose a source above to add translations.
tataḥ prabhṛti kākutstha daṇḍakāraṇyamucyate | tapasvinaḥ sthitā hyatra janasthānamato 'bhavat || 7.81.19 ||
Original text view. Choose a source above to add translations.
etatte sarvamākhyātaṃ yanmāṃ pṛcchasi rāghava | sandhyāmupāsituṃ vīra samayo hyativartate || 7.81.20 ||
Original text view. Choose a source above to add translations.
ete maharṣayaḥ sarve pūrṇakumbhāḥ samantataḥ | kṛtodakā naravyāghra ādityaṃ paryupāsate || 7.81.21 ||
Original text view. Choose a source above to add translations.
sa tairbrāhmaṇamabhyastaṃ sahitairbrahmavittamaiḥ | ravirastaṃ gato rāma gacchodakamupaspṛśa || 7.81.22 ||
Original text view. Choose a source above to add translations.
ityārṣe śrīmadrāmāyaṇe vālmīkīye ādikāvye śrīmaduttarakāṇḍe ekāśītitamaḥ sargaḥ || 81 ||
Original text view. Choose a source above to add translations.